Pri Lankréol Daniel Honoré-Édition 2025

La remise du Pri Lankréol-Daniel Honoré 2025, a eu lieu samedi 25 octobre au Moca, à Montgaillard. Comme chaque année, la participation à ce concours littéraire en créole ne se dément pas car plus de 80 textes concouraient pour cette édition. Le jury, présidé par Gora Patel, a primé Adolphe Maillot pour sa nouvelle « Atèr ». Sébastien Lauret a obtenu le pri koudkèr fonnkèr avec « Mémwar Makwalé » et autres textes. Emmanuelle Guezello a obtenu le pri Koudkèr nouvèl pour « Défilaz ». Félicitations aux lauréats de cette année !

Merci à Josiane Robert et à toute l’équipe du CCEE.

Pri Koudkèr nouvèl : Défilaz d'Emma Guezelllo :

"Dann son kaz ranfèrmé lao brakanot, Léonie i ansèrv pi gransoz.

Kabiné saldobin tou lé dé zour. Kizine inn fwa tanzantan. Sé a domandé koman èl i tyin ankor dobout. Aforstan rèt asiz dann son fotèy-baskil, an goni pa lwinn vid, la nwit konm la zourné.

Èl la touzour rès tousèl.

Pwinn bonnom. Pwinn zanfan. Pwinn zanimo.

Lo dé morso famiy té i rès aèl la fine alé dopi dizan. La tak baro san fé dézord.

(...)

Swar la lé parey inn ot. Fotèy domi alonzé, bobine démayé.

Piké, raméné, tiré.

Mé rant rant, lo silans i sant pli for dabitid. Parèy la vèy siklone, avan tout i savir.

I anons in loraz. Atèrla dann la kaz. Dann télé.

Météo i vyinn fini. In program èspésial i komans. Roportaz si Sinbénwa.

Foto lé flou, kozman lé fèb. Nou lé dann zané 60-70 parla.

Konm toultan, Léonie i agard pa. Son zorèy i akout pa ryin mé i antann tout.

Program la na pwin lèr i ral aèl plis inn ot.

É pourtan...

...In fraz i vyin kapay son kèr : "Clinique du Docteur Moro."

"