top of page

Pri Lankréol- Daniel Honoré 2022



La remise du Pri Lankréol Daniel Honoré a eu lieu le samedi 29 octobre 2022 au Moca à Montgaillard.

Adolphe Maillot a reçu le 2ème prix dans la catégorie Fonnkèr avec son texte Tifèklèr.







Extrait :

"Dan mon tiféklèr

In lardèr la brèz i pimant lo sièl

I alfat nyaz

In rouz rozé na dé kèr

An parmi lo bandépétiyé é la dousivrès

Dovan lo zour kalpié i anmansh

É la nuit arash-kèr la fané

Mon lélan i kal in ti linstan

Lo tan vèy in vals papiyon

Aprésa mi sava vré pou vréman

Shap si néna pou shapé

An grélé mwin lé paré pou shanté

Adié Solèy koman i lé

Mwin lé la Ou lé la Nou lé la

Solèy i réponn pa

Mi kontinié kozépansé mon tousèl

Ziska mi tonm an vil karé piéton

Somanké Li akout amwin an kwin

Mi vèy son kontour an misouk

Li dsann an taba dési

Lo twa-limeb la glas-magazin

Li shof béton li fé kour fourmi

Li komann loto li karès kar zone

Li di domoune ousa i fo alé

Kiswa fransh pou franshman

Kiswa èk lanbordir

Koman koman li rant dan out vi

Ali mèm Gouvèrnèr-La-Rénion

Lès aLi done son flèr son réyon-bonbon

Adié Solèy koman i lé

Mwin lé la Ou lé la Nou lé la

Solèy i réponn pa in kamayann kom mwin

Mi kontinié kozéroulé mon tousèl"






Comentários


bottom of page