Adiyé zot toute ! Inn ti mo dékri pou di azot nana in Marmit zistoir sizér édmi lo soir, lo vandrodi 29 avril, su boulodrome Saint-François, P K 7. Zot i monte ziska zot i trouv magazin Vival su zot gosh.
Lo boulodrome lé jist - toujour a gosh - dan lo viraj o-d'su. In Marmit zistoir sanm Jean-Éric Balounaïck, di Balou, Abbass Mulla, Alexandrine Savoury. Zot va dékouv lo marmit pou partaj in paké zistoir ék zot.
Bann lasosiasion Saint-François lé télman kontan Marmit zistoir i monte an lèr laba, k'zot la désid prépar inn ti féstin pou romérsié lo publik ! Zot va drès la tab pou done noute toute in gro boushé manjé. É tousa ék lo gro koudmin Monsieur Henri Denisé, lanimatèr dévlopman lokal Saint-François.
Lo rakontaj i espass an plin-ér, Henri va alime in fé d'boi pou shof anou, mé aporte kan minm inn palto, la fré i komans rantré dan lé o.
Toute lékip l'Udir i konte si zot pou nou viv in gayar zafér ansanm.
Annie Darencourt
Vice-présidente de l'Udir